ასატვირთი ანგარიშ-ფაქტურების ანგარიშების ნიღბები
თუ ვებ-სუპერფინში ბუღალტრული საბუთის საფუძველზე მომსახურების ანგარიშ-ფაქტურა ვერ იქმნება (ან მოთხოვნილი ანგარიშ-ფაქტურების ერთიანად შექმნისას საბუთი გამოტოვებულია), პირველ რიგში გადაამოწმეთ საბუთის გატარებებში მონაწილე ანგარიშების შესაბამისობა პარამეტრების ნიღბებთან.
1. საბუთში მონაწილე ანგარიშების შესაბამისობა ასატვირთი ანგარიშ-ფაქტურის სამი ჯგუფის ნიღბებთან:
გვერდზე „პარამეტრები“ → „კავშირი RS.GE-თან“ → „ასატვირთი ანგარიშ-ფაქტურების ანგარიშები“ ანგარიშების ნიღბები ცალ-ცალკე იმართება სამივე ტიპის ანგარიშ-ფაქტურისთვის (პროგრამა ამოწმებს საბუთის ყველა გატარებას და არა მხოლოდ პირველ სტრიქონს). თუ თქვენს ორგანიზაციაში მყიდველის, რეალიზაციის, ავანსის ან დღგ-ის აღრიცხვისთვის სხვა ანგარიშის ნომრებს იყენებთ, მთავარმა ბუღალტერმა შესაბამის ჯგუფში უნდა დაამატოს საჭირო ანგარიში ან პრეფიქსი (*). უშუალოდ ვებ-სუპერფინში ადგილობრივი ანგარიშ-ფაქტურის შექმნა შენახულ RS.GE მომხმარებელსა და პაროლს არ ითხოვს (ისინი საჭიროა RS.GE-ზე ატვირთვისა და სინქრონიზაციისას):
| ანგარიშ-ფაქტურის ჯგუფი |
პარამეტრის ველი |
სტანდარტული ნიღაბი |
რას ამოწმებს პროგრამა საბუთის გატარებებში |
| მიწოდების ანგარიშ-ფაქტურა |
მყიდველები |
14* |
მიწოდების გატარებაში დებეტის მხარეს მითითებული მყიდველის ანგარიში |
| მიწოდების ანგარიშ-ფაქტურა |
რეალიზაცია |
61*, 81* |
მიწოდების გატარებაში კრედიტის მხარეს მითითებული შემოსავლის ანგარიში |
| მიწოდების ანგარიშ-ფაქტურა |
დღგ |
333*, 334* |
მიწოდების დღგ-ის გატარებაში კრედიტის მხარეს მითითებული დღგ-ის ანგარიში |
| ავანსის ანგარიშ-ფაქტურა |
მიღებული ავანსების წყარო |
11*, 12*, 14* |
ავანსის გატარებაში დებეტის მხარეს მითითებული ანგარიში |
| ავანსის ანგარიშ-ფაქტურა |
მიღებული ავანსები |
3120 |
ავანსის გატარებაში კრედიტის მხარეს მითითებული მყიდველის ავანსის ანგარიში |
| ავანსის ანგარიშ-ფაქტურა |
მშ. ავანსის დღგ |
333*, 334* |
ავანსის დღგ-ის გატარებაში კრედიტის მხარეს მითითებული დღგ-ის ანგარიში |
| ავანსზე მიწოდების ანგარიშ-ფაქტურა |
მიღებული ავანსები |
3120 |
ავანსზე მიწოდების გატარებაში დებეტის მხარეს მითითებული ავანსის ანგარიში |
| ავანსზე მიწოდების ანგარიშ-ფაქტურა |
რეალიზაცია |
61*, 81* |
ავანსზე მიწოდების გატარებაში კრედიტის მხარეს მითითებული შემოსავლის ანგარიში |
| ავანსზე მიწოდების ანგარიშ-ფაქტურა |
დღგ |
333*, 334* |
ავანსზე მიწოდების დღგ-ის გატარებაში კრედიტის მხარეს მითითებული დღგ-ის ანგარიში |
მყიდველის კონტაქტი, საბუთის მდგომარეობა და დაჯგუფების პირობები
ვებ-სუპერფინში საბუთიდან ანგარიშ-ფაქტურის შესაქმნელად ანგარიშების ნიღბებთან ერთად მოწმდება მყიდველის კონტაქტის მონაცემები, ერთი მყიდველის წესი, საბუთის ტიპი/მდგომარეობა და დაჯგუფების პირობები:
2. მყიდველის (ან ავანსის) ანგარიშზე მიბმული კონტაქტის მონაცემები და ერთი მყიდველის წესი:
- ანგარიშ-ფაქტურის ტიპის არჩევამდე პროგრამა სამივე ჯგუფის ნიღბების მიხედვით („მყიდველები“, „მიღებული ავანსები“ და ავანსზე მიწოდების „მიღებული ავანსები“) ამოწმებს საბუთის ყველა გატარებას: თუ საბუთში ამ სამი ჯგუფიდან ნებისმიერ ერთ ჯგუფში მონაწილეობს ერთზე მეტი განსხვავებული მყიდველის/ავანსის ანგარიში, ანგარიშ-ფაქტურის შექმნა შეჩერდება შეცდომით;
- გატარებაში მონაწილე მყიდველის ან მიღებული ავანსის საბოლოო ანგარიშზე (ქვეანგარიშების არმქონე ანგარიშზე) არჩეული უნდა იყოს აქტიური კონტაქტი (ანგარიშზე კონტაქტის მიბმა და დღგ-ის ტიპები);
- კონტაქტის ბარათში შევსებული უნდა იყოს საიდენტიფიკაციო ნომერი (ან ფიზიკური პირის პირადი ნომერი);
- კონტაქტის ბარათის განყოფილებაში „ფინანსური პარამეტრები“ → „კლიენტის მონაცემები“ არჩეული უნდა იყოს „დღგ-ს გადამხდელის ტიპი“.
3. საბუთის ტიპი, ვალუტა და დაჯგუფების წესი:
- ვებ-სუპერფინის ინტერფეისში სტრიქონის მენიუს (
⋮) ბრძანება „RS ანგარიშ-ფაქტურა“ ხელმისაწვდომია მაშინ, როდესაც ორგანიზაციის რეგისტრაციის ქვეყანაა საქართველო (GE), ბალანსის დროის სარტყელია საქართველოს დრო, მომხმარებელს აქვს ბუღალტრის ან მთავარი ბუღალტრის როლი, ხოლო საბუთი არის მოქმედი, „შესრულებული“ სტატუსის მქონე „საბუღალტრო ოპერაცია“ ან „გასავლის ზედდებული“ (თუ საბუთს უკვე მიბმული აქვს ადგილობრივი ანგარიშ-ფაქტურა, იგივე ბრძანება ხსნის არსებულ ანგარიშ-ფაქტურას, ხოლო მიბმული ანგარიშ-ფაქტურის არარსებობისას იწყება შექმნა და მოწმდება გატარებები, კონტაქტი და დღგ-ის ტიპი);
- უცხოურ ვალუტაში შეყვანილი გატარებებისთვის თანხა იანგარიშება ძირითადი ვალუტის ეკვივალენტით („თანხა ძირითად ვალუტაში“), ამიტომ გატარების ნომინალური ვალუტა აუცილებლად
GEL არ უნდა იყოს;
- თუ კონტაქტის ბარათში ჩართულია „ანგარიშ-ფაქტურა შეიქმნას ინდივიდუალურად თითოეულ საბუთზე“, როგორც ერთეული, ისე მოთხოვნილი ა/ფ-ების ერთიანად შექმნისას თითოეულ საბუთზე იქმნება ცალკე ანგარიშ-ფაქტურა; ხოლო თუ ეს ჩამრთველი გამორთულია, ერთ ანგარიშ-ფაქტურაში ერთიანდება იმავე თვის, იმავე მყიდველის საბუღალტრო ანგარიშისა და იმავე ანგარიშ-ფაქტურის ტიპის მაქსიმუმ 200 შესაფერისი საბუთი (ერთეული შექმნისას დარჩენილი საბუთები მომდევნო შექმნისთვის რჩება, ხოლო მოთხოვნილი ა/ფ-ების ერთიანად შექმნისას 200-ის შემდეგ იქმნება მომდევნო ჯგუფი).
ნულოვანი დღგ, დღგ-ის ანგარიშის ტიპის შეცდომები და ერთიანი შექმნის პირობა
დღგ-ის გატარებისა და ანგარიშის ტიპის შემოწმებისას გაითვალისწინეთ შემდეგი განსხვავებები:
- როდის იქმნება ანგარიშ-ფაქტურა ნულოვანი დღგ-ით (გამონაკლისი):
- როდესაც საბუთში სრულდება მიწოდების ან ავანსის ძირითადი გატარებისა და მყიდველის კონტაქტის ყველა წინაპირობა, მაგრამ დღგ-ის მეორე გატარება არ ფიგურირებს, ანგარიშ-ფაქტურა იქმნება ნულოვანი დღგ-ით;
- აგრეთვე, თუ ასეთ საბუთში დღგ-ის ნიღბის შესაბამისი ანგარიში მონაწილეობს, მაგრამ ამ ანგარიშს ანგარიშთა გეგმაში ველი „დღგ-ს ანგარიშის ტიპი“ საერთოდ ცარიელი აქვს (არცერთი ტიპი არ არის არჩეული), პროგრამა ამ გატარებას დღგ-ის სტრიქონად არ თვლის და ქმნის ანგარიშ-ფაქტურას ნულოვანი დღგ-ით (ამიტომ, თუ ანგარიშ-ფაქტურა დღგ-ით უნდა შეიქმნას, კრედიტში მონაწილე დღგ-ის ანგარიშზე აუცილებლად მიუთითეთ შესაბამისი „დღგ-ს ანგარიშის ტიპი“).
- როდის ბრუნდება შეცდომა დღგ-ის ანგარიშის ტიპის გამო:
- თუ კრედიტის მხარეს მონაწილე დღგ-ის ანგარიშზე არჩეულია საბუთის სქემისთვის შეუთავსებელი ტიპი — გასაცემი ანგარიშ-ფაქტურისთვის კრედიტის დღგ-ის ანგარიშს უნდა ჰქონდეს:
- ჩვეულებრივი მიწოდებისას — „გადასახდელი დღგ - მიწოდებაზე“;
- ავანსის მიღებისას — „გადასახდელი დღგ - ავანსზე“;
- ავანსის ფარგლებში მიწოდებისას — „ავანსზე მიწოდების დღგ“
(თუ მათ ნაცვლად არჩეულია სხვა ტიპი, მაგალითად „ჩასათვლელი დღგ - ადგილობრივი“, „ჩასათვლელი დღგ - ავანსზე“ ან „ავანსზე მოწოდების დღგ“, შექმნა შეჩერდება შეცდომით);
- თუ ერთსა და იმავე ბუღალტრულ საბუთში მონაწილეობს რამდენიმე გატარება განსხვავებული „დღგ-ს ანგარიშის ტიპით“ (ხოლო სხვადასხვა საბუთის ავტომატური დაჯგუფებისას პროგრამა თავად ფილტრავს და აერთიანებს მხოლოდ ერთნაირი ანგარიშ-ფაქტურის ტიპის მქონე საბუთებს).
- ერთეული შექმნისა და ერთიანი („მოთხოვნილი ა/ფ-ების შექმნა“) შექმნის განსხვავება:
- კონკრეტული საბუთის მენიუდან („RS ანგარიშ-ფაქტურა“) ანგარიშ-ფაქტურის შექმნისას კონტაქტის ბარათში სათაურის „ითხოვს ანგარიშ-ფაქტურას:“ ქვეშ არსებული ჩამრთველების მონიშვნა სავალდებულო არ არის;
- ხოლო გვერდიდან „RS ანგარიშ-ფაქტურები“ (
ALT + SHIFT + G) → სწრაფი ზოლის მენიუ „მეტი“ → „მოთხოვნილი ა/ფ-ების შექმნა“ გაშვებისას პროგრამა ამუშავებს მხოლოდ იმ მყიდველების საბუთებს, რომელთა კონტაქტის ბარათშიც („ითხოვს ანგარიშ-ფაქტურას:“) ჩართულია დიალოგში არჩეული ტიპის შესაბამისი მონიშვნა:
- „მიწოდების“ — როცა დიალოგში არჩეულია „მიწოდების ანგარიშ-ფაქტურები“;
- „ავანსის“ — როცა დიალოგში არჩეულია „ავანსის ანგარიშ-ფაქტურები“;
- „ავანსზე მიწოდების“ — როცა დიალოგში არჩეულია „ავანსზე მიწოდების ანგარიშ-ფაქტურები“.
იხილეთ ასევე